Viño

Imos desenvolver de forma breve un método sinxelo, pero completo, para que cada quen poida facer o seu propio viño caseiro.

A elaboración do viño empeza coa vendima, que é a recolección das uvas maduras a partir das cales se obterá o viño. As uvas vendimadas manualmente, lévanse á adega, onde comeza un longo proceso ata chegar á botella. Unha vez que os acios se encontran na adega, pasan á estruxadora, encargada de romper a pel e permitir a saída da polpa, esta operación debe realizarse con coidado para evitar a rotura dos elementos vexetais duros (raspones e pebidas), o que provocaría unha contaminación do mosto con sabores e olores herbáceos do raspón ou graxos das pebidas. Agrégase anhídrido sulfuroso con fins antisépticos, e particularmente disolventes. (bisufito) A fermentación é un proceso natural no cal o azucre do mosto se transforma en alcohol etílico e anhídrido carbónico. A fermentación do viño dura de 8 a 15 días a unha temperatura de 26ºC a 29ºC. A temperatura da fermentación é moi importante para elaborar viños aromáticos naturais e limpos. Cando remata a fase de fermentación, trasfégase, esta operación consiste en separar o viño das materias insolubles que se precipitan no fondo do depósito. Iste proceso debese facer polo menos dúas veces, logo deixase repousar unha tempada, e xa está listo para embotellar.

O consumo ideal sería entre os 12-24 meses despois da vendima. O viño resultante sería un viño xoven
Para que o viño sexa de Crianza, ten que repousar un mínimo de seis meses en barrica de carballo e 12 meses en botella.
En caso de querer facer un Reserva, o viño tería que pasar un ano en madeira e ata tres anos en botella, mentres que para o Gran Reserva tería que pasar un mínimo de dous anos en madeira e ata cinco en botella.

O viño tinto elabórase a partir do mosto obtido das uvas tintas, que fermentan en contacto coas peles. As uvas son previamente despalilladas para separar o gran do raspón e estrulladas posteriormente a pasta así obtida pasa a continuación a unha cuba de fermantación xunto coas peles e desprendéndose ademais anhídrido carbónico. Durante este período engádeselle unha pequena cantidade de anhídrido sulfuroso para impedir a oxidación e o desenvolvemento bacteriano, ademais de faborecer a solución de materias colorantes das peles ao mosto, o que confire a súa cor característica do viño tinto. O viño branco é aquel que se elabora a partir do mosto obtido das uvas brancas. O proceso de elaboración prodúcese separando o mosto das peles, evitando así a vertedura de materias colorantes. O viño rosado obtense de uvas tintas, ou de uvas tintas e brancas, pero cun proceso de maceración do mosto coas peles que só dura unhas 12 horas. Transcorridas estas horas, o mosto trafegase e pasa ás cubas de fermentación. A partir dese momento o proceso é igual ao viño branco. O viño clarete elabórase con mesturas de uvas brancas e uvas tintas. O mosto fermenta xunto coa pel e obtense un viño tinto de baixa cor, xa que as uvas brancas non colorean. Polo demais o proceso é igual ao do viño rosado.

Viño Xoven: É aquel que se elabora para a súa inmediata comercialización no mercado. Non pasou por tanto en ningún momento polo proceso envellecemento en barrica ou, como moito, menos do tempo do establecido legalmente para os viños Crianza.

Viño de Crianza: Este viño debe pasar un proceso de envellecemento de dous anos, cun mínimo de seis meses en madeira e debe ser posto á venda no seu terceiro ano.

Viño de Reserva: O viño debe permanecer tres anos na adega, dos que polo menos un debe facelo en barrica. Deben comercializarse no seu cuarto ano.

Viño Gran Reserva: Só chegan a esta etapa do envellecemento as que son consideradas como as mellores colleitas. O viño debe pasar polo menos 5 anos en adega dos cales ano e medio é en barricas de madeira e o resto en botella. Comercialízase no seu sexto ano.