Licor de follas de guindeira
Ingredientes:
- 1 litro de augardente de Portomarin – Galiza
- 33 follas verdes de guindeira
- ½ kg. de azucre
Preparación:
Poñer nun envase aberto unha base de augardente e, por enriba, as follas de guindeira cortadas á metade, durante 12 días. Neste tempo débese remexer cada pouco (cada día ou dous).
Logo disto, débense quita-las follas e engadi-lo azucre. Esta mestura débese remexer até que o azucre estea disolto.
Filtrar e embotellar
Feito en Galiza
Licor de viño
Ingredientes:
- ¼ kilo de azucre
- ¼ litro de auga
- ¾ litro de viño tinto
- ½ vaso de augardente de Portomarin
- 1+½ pizca de extracto de vainilla
Preparación:
Débese facer un almíbar con azucre e auga. Unha vez frío xuntar o viño coa augardente e engadir a vainilla (tamén se pode engadir ao almíbar) e o almíbar, embotellar, e xa está.
Débese tomar máis ben frío.
Orixe Caldas da Rainha (Portugal)
Licor de mazá
Ingredientes:
- 1 litro de augardente
- 8 maza grandes
- ½ Kilo de azucre
Preparación:
Nun frasco de boca ancha introducímo-las mazás e a augardente. Co azucre facemos un almíbar espeso e vertémolo no frasco. Revolvéndose dous ou tres veces ao día.
Deixar macerar seis meses.
Filtrar e embotellar.
Licor café
Ingredientes:
Para 4 litros de augardente de Portomarin
- 1 Kg. de azucre
- 400 grs. café natural
- mondas dunha laranxa
- 3 estrelas de anís, da botica
Preparación:
Bótanse dunha pota, augardente, azucre, as estrelas de anís, e a monda de laranxa, todo xunto para desface-lo azucre; bótase o café moído, e mezclase todo revolvéndose dous ou tres veces ao día, durante oito ou nove días.Colalo ben cun pano para embotellar.
Licor de dulce de leite
Ingredientes:
- 1 kilo de azucre
- 1 litro de augardente
- 1 litro de leite
- 1 limón
- 1 pouco de vainilla
Preparación:
Colocar nunha vasilla a augardente e o azucre, agrega-lo limón cortado en rebandas e a vainilla cortada en trazas pequenas. Incorporar por último o leite e revolver cunha culler de madeira. Tapa-lo recipiente e deixar repousa-la preparación durante 15 días, revolvéndoa 2 veces por día. Colar nunha gasa e pasa-lo líquido por un filtro de papel
OLLO a non emborracharse porque parece suave pero…..
Inicio | Licores | Combinados | Receitas | Outros | Sidra | Viño | Cervexa | Vinagre |