Regras de ouro

A función live view

DSCN2516A función Live View ou visión en vivo resulta tan natural para quen utiliza unha compacta, que sorprende que se defina como unha novidade nas réflex máis avanzadas.
O modo de imaxes en directo permite facerse unha idea do que acontece arredor da escena que se está a gravar. Isto permite comprobar os movementos dos suxeitos protagonistas da gravación e seguilos nas tomas.
Este modo facilita a captura de imaxes dende posicións dificultosas ou dende un trípode: a visión pódese ampliar 5 ou 10 veces para axudar ao enfoque manual; a exposición e a profundidade de campo pode comprobarse e axustarse antes de tomar a fotografía. Se dispoñemos de pantalla abatible permítenos facer fotos rente o chan ou por enriba da cabeza.

A regra dos tercios

terciosA regra dos terzos é, probablemente, o primeiro recurso compositivo que un aprende en fotografía. E probablemente tamén, é o primeiro en aprenderse polo sinxelo de aplicar á vez que efectivo nos seus resultados.
Esta regra procede da pintura renacentista do século XVI. O seu obxectivo era evitar que o centro de interese estivese colocado no centro o que daría á imaxe un menor dinamismo e equilibrio.
Dividindo a fotografía en tres partes iguais, tanto horizontal coma verticalmente, os puntos de intersección das liñas trazadas son os chamados centros de atención.
O fundamento práctico da regra dos terzos é colocar elementos importantes das nosas fotografías nesas liñas imaxinarias ou na intersección destas. Desta forma conseguimos composicións máis equilibradas, dinámicas e atractivas visualmente.

Medir a luz

fotometroPara medir a luz apúntase a cámara á escena e o exposímetro realiza unha media entre as zonas de sombra e as de luz, e propón unha relación de tempo-diafragma idónea para unha correcta exposición, en función do tipo de sensibilidade que se elixise.
Aínda que as cámaras teñen un exposímetro interno, para controlar a exposición das fotografías é moi útil aprender a utilizar un externo.
A medición da luz na fotografía é moi importante, de aí a gran variedade de fotómetros que podemos encontrar no mercado. Aínda que o fotómetro adoita ser utilizado por profesionais, existen algúns que son accesibles ao fotógrafo afeccionado.
O exposímetro no modo luz incidente permite medir zonas de luz e de sombra para logo facer unha medida que permita seleccionar a exposición máis axeitada.
O método correcto para efectuar unha medición exacta consiste en apuntar alumisfera do exposímetro dende o obxecto que se vai fotografar cara á cámara e máis concretamente cara ao eixe óptico.

Ter a cámara a punto

sonya350Para evitar situacións desagradables cando esteas a facer fotos. Tan só tes que revisar a configuración da túa cámara e seguir uns pequenos pasos.
Baixa o ISO ao mínimo, pon a cero o axuste da exposición, axusta o balance de brancos, o modo de medición, e o modo de calidade da imaxe que adoitas utilizar (RAW, JPG..) e desactiva o modo bracketing.
Bracketing consiste en realizar varias fotografías seguidas variando a configuración da apertura do diafragma ou a velocidade de obturación e así dispoñemos dunha mesma foto con distintos niveis de exposición. Algunhas cámaras dixitais dispoñen dun botón ou opción específicos no menú.
Se vas saír de viaxe non esquezas coller: A cámara, as baterías, as tarxetas de memoria, o cargador, o flash, as pilas do flash, o cargador das pilas do flash, o trípode de peto, o trípode ou monopie, o disparador remoto,a baeta, os obxectivos e filtros e, se a viaxe vai ser longo, tamén deberías levar un disco duro ou un portátil. O día antes carga as baterías da cámara e baleira as tarxetas de memoria.
E antes de disparar, revisa o formato de saída, a sensibilidade ISO, o axuste da exposición, o balance de brancos, o modo bracketing e o modo de medición da luz.

Balance de brancos

Un dos parámetros máis importantes en fotografía dixital, é o correcto balance de brancos. O balance de brancos é unha función que axusta o ton da cor da forma máis realista posible. O ton da cor do motivo cambia en función das características da fonte luminosa.
Non é o mesmo fotografar un día anubrado, un atardecer dun día despexado, en interior ou pola noite. Esa diferenza é a temperatura da cor.
A temperatura de cor é o método usado para cuantificar a cor da luz. Exprésase en Kelvins. Por exemplo, a luz do día ten ao redor de 6.500 Kelvins.
A luz cálida ten unha temperatura de cor baixa, este é o caso do atardecer, que ten arredor duns 4.000 K. A luz fría ten unha temperatura de cor máis alta. As noites con luz azulada teñen ao redor de 7.500 K. Polo tanto, canto máis cálida sexa a luz máis baixa será a temperatura de cor e canto máis frita, máis alta a temperatura de cor.
As cámaras dixitais contan con varios sistemas de balance de brancos. Normalmente, a modalidade cromática (AWB) a cámara detecta automaticamente unha fonte luminosa e axusta os tons da cor, é perfecta para un uso xeral.
Nunha escena onde a luz ambiental proceda de varios tipos de fontes luminosas, é recomendable a utilización do balance de brancos personalizado para reproducir fielmente a brancura.
As modalidades preestablecer (luz diúrna, anubrado, tungsteno, fluorescente, etc) permiten conseguir doadamente bos resultados en sutuacions previsibles.
O proceso de balance de brancos non é tan imprescindible cando se toman as fotos en RAW, posto que este formato permite a corrección posterior sen pérdia de calidade.

Inicio Cámaras Equipo Reglas de ouro Técnicas Trucos Laboratorio Dixital Fotos